“Ecja japoneze” është një formë e ecjes me intervale – një metodë e thjeshtë dhe efektive për përmirësimin e shëndetit, e zhvilluar nga fiziologët Hiroshi Nose dhe Shizue Masuki. Ajo konsiston në alternimin e 3 minutave ecje të ngadaltë (40% e shpejtësisë maksimale) me 3 minuta ecje më të shpejtë (70%), duke e përsëritur këtë cikël për 30 minuta, 4 herë në javë.
Kjo teknikë:
U krijua për të moshuarit dhe për ata që nuk mund të vrapojnë për shkak të problemeve shëndetësore.
Ka rezultuar më efektive sesa ecja e zakonshme për përmirësimin e presionit të gjakut, shëndetit kardiovaskular, forcës së këmbëve, kontrollit të glicemisë dhe uljes së peshës trupore.
Intervalet me intensitet të lartë janë çelësi i përfitimeve, pasi rrisin kapacitetin aerobik dhe përmirësojnë ndjeshëm metabolizmin e glukozës, edhe te ata me diabet tip 2 ose rezistencë ndaj insulinës.
Në një studim pesëmujor, pjesëmarrësit që e praktikuan këtë metodë përmirësuan ndjeshëm parametrat shëndetësorë krahasuar me ata që bënin vetëm ecje të zakonshme.
Kujt i rekomandohet?
Personave 50–80 vjeç që nuk janë aktivë fizikisht dhe duan një mënyrë të lehtë, të sigurt dhe efektive për të përmirësuar shëndetin pa pasur nevojë të vrapojnë apo të ndihen të lodhur.
Në fund, “Japanese walking” është një metodë që kombinon thjeshtësinë me efektivitetin, dhe kjo është arsyeja pse po bëhet gjithnjë e më e njohur në rrjetet sociale.
