Presidenti francez Emmanuel Macron ka tërhequr vëmendjen këtë fundjavë, jo me deklarata politike, por me paraqitjen e tij fizike gjatë pushimeve në Rivierën Franceze. Së bashku me bashkëshorten Brigitte, çifti presidencial kaloi disa ditë në rezidencën zyrtare të Fort de Brégançon, ku u fotografuan në momente relaksi buzë detit.
Macron u pa duke provuar Jet Ski, ndërsa Brigitte shijonte diellin në kuvertë me mikeshat e saj. Ajo që ra më shumë në sy ishte trupi në formë i presidentit, duke nxitur komente të shumta në rrjet: “Macron ka six packs!”, shkruajtën disa përdorues të mediave sociale.
Kjo paraqitje vjen pas disa episodeve mediatike ku dinamika e çiftit presidencial u vu në qendër të vëmendjes, përfshirë një moment në Mbretërinë e Bashkuar ku Brigitte injoroi dorën e Macron-it dhe një tjetër në Vietnam ku ajo u pa ta shtynte lehtë gjatë një daljeje publike. Macron i ka komentuar këto si “shaka mes tyre”, duke theksuar se kanë një marrëdhënie plot humor dhe ngacmime.
Ndërkohë, mediat franceze raportojnë se Macron ka shtuar ndjeshëm aktivitetin fizik kohët e fundit, duke ndjekur një regjim të rreptë në palestër. Burime nga Elysee thonë me ironi se “Presidenti po punon për six packs-in e tij njësoj si për reformat politike”.
Kjo “energji e re” e presidentit duket se po reflektohet jo vetëm në diskursin politik, por edhe në paraqitjen e tij publike – një imazh që padyshim nuk po kalon pa u vënë re.
