Pas më shumë se 30 vitesh në krye të Vogue US, Anna Wintour duket se ka vendosur për pasardhësen e saj në drejtimin e edicionit amerikan të revistës më të famshme të modës.
Sipas raportimeve, Chloe Malle, 39 vjeçe, aktualisht redaktore e Vogue.com dhe e vlerësuar shumë nga stafi, është zgjedhur për të marrë drejtimin e përmbajtjes editoriale. Vendimi pritet të shpallet zyrtarisht brenda javës, edhe pse emri i saj ka qarkulluar prej kohësh si kandidatura kryesore.
Për ata që nuk e dinë, Chloe është vajza e aktores së njohur Candice Bergen dhe regjisorit Louis Malle, çka e ka rritur në një botë arti, elegance dhe kulture.
Ndërkohë, Anna Wintour do të vijojë të mbajë rolin e saj si drejtoreshë e përgjithshme e përmbajtjes për Condé Nast dhe drejtoreshë globale e Vogue. Ajo është shprehur më herët se kënaqësia më e madhe e karrierës së saj ka qenë “të mbështesë brezin e ri të redaktorëve të apasionuar për të sjellë idetë e tyre”. Zgjedhja e Chloe Malle duket si vazhdim i kësaj filozofie./Bordo
