Këngëtari i njohur Adrian Gaxha dhe partnerja e tij, Sidorela Dauti, kanë përjetuar një nga momentet më të veçanta të jetës së tyre, duke u bërë prindër për herë të parë.
Artisti, i cili zakonisht e mban jetën private larg vëmendjes publike, këtë herë ka zgjedhur ta ndajë lajmin e bukur me ndjekësit në rrjetet sociale.
Përmes një postimi emocional në Instagram, Gaxha publikoi një fotografi të veçantë ku shihet dora e foshnjës duke shtrënguar lehtë dorën e prindërve, duke konfirmuar ardhjen në jetë të fëmijës së tyre.
“Mirë se erdhe”, ka shkruar këngëtari në përshkrimin e postimit, duke zbuluar kështu emocionin e madh të këtij momenti të paharrueshëm.
Lajmi është pritur me shumë urime dhe reagime të ngrohta nga ndjekësit dhe miqtë e çiftit. Mes tyre kanë spikatur urimet e figurave publike si Blero Muharremi, Argjentina Ramosaj, Vesa Smolica dhe Egzona Rafuna, të cilët i kanë uruar jetë të gjatë dhe të lumtur të porsalindurit.
