Një vatër zjarri është shfaqur pasditen e sotme mbi varrezat e fshatit Dhërmi, duke rrezikuar zonën përreth. Flakët janë përhapur pranë ullishteve dhe disa banesave, duke shkaktuar shqetësim mes banorëve.
Fatmirësisht, deri në këto momente nuk raportohet për dëme në njerëz apo pronë, megjithëse zjarri ndodhet shumë afër zonës së banuar.
Forcat zjarrfikëse dhe autoritetet vendore ndodhen në terren, duke punuar për shuarjen e flakëve dhe nisjen e hetimeve mbi shkaqet e rënies së zjarrit.
