Një përplasje mes disa të rinjve ka përfunduar me plagosjen e rëndë të shtetasit Denis Çumani. Burime nga grupi hetimor bëjnë me dije se konflikti ka nisur pas ngacmimit të një vajze, e cila ishte në një lidhje me shtetasin Dorian Ferra.
Sipas hetimeve, vajza kishte marrë vazhdimisht mesazhe nga Çumani, të cilat përpiqej t’i fshinte për të shmangur konfliktin. Pas insistimit të Ferrës për të zbuluar identitetin e personit që i shkruante të dashurës së tij, ai mësoi se bëhej fjalë për Çumanin.
Më pas, Dorian Ferra dhe kushëriri i tij, Indrit Ferra, kanë shkuar në banesën e Çumanit, ku e kanë dhunuar atë me grushte dhe shkelma. Sipas hetimeve, ata i kanë vendosur edhe pistoletën në kokë dhe brinjë, duke e qëlluar një herë dhe duke e lënë të plagosur.
I plagosuri u transportua fillimisht në spitalin e Durrësit, dhe më pas me urgjencë drejt Spitalit të Traumës në Tiranë, ku ndodhet në gjendje të rëndë shëndetësore.
