Zbardhen detajet, si policia zbuloi arsenalin e armëve në Tiranë

Armët e gjetura në furgon

Zbardhet dinamika sesi Policia e Tiranës zbuloi arsenalin e armëve që fshihej brenda një furgoni me mbishkrimin “mirëmbajtja rrugore”.

Furgoni ishte parkuar prej ditësh në afërsi të ish-ekspozitës dhe banorët ishin ankuar. Në xhamin e furgonit ndërkohë ishin vendosur shumë gjoba. Një moment, policia vendos ta marrë me karoatrec dhe ta dërgojë te pika e bllokimit të automjeteve në policinë Rrugore.

Për shkak se askush nuk interesohej për furgonin, policia bën verefikimet dhe zbulon se në ishte regjistruar në emër të Eugert Sinos.

Gjithashtu hetuesit vendosin ta hapin dhe konstatojnë se dera e furgonit hapej me pult të posacëm. Hapësira e brendshme ishte ndarë në dy pjesë dhe pjesën fundore, hetuesit zbuluan arsenalin e armëve, 23 të tilla, ku 5 prej tyre ishin snajpera, pistoleta, etj, si dhe u gjetën edhe uniforma me mbishkrimin policia.

Policia arrestoi Sinon, i cili ishte vendosur në një shtëpi në zonën e 21 dhjetorit si i dyshuar për arsenalin e armëve. Ai ka deklaruar se nuk mban mend kush është personi që ka vënë furgonin në emrin e tij, porse nuk kishte dijeni për armët. Policia ka dyshime se armët janë sjellë nga Kosova dhe i përkasin një grupi kriminal që vepron në Tiranë, Lac e Burrel.