Zbardhen detaje të reja lidhur me magazinën me hashash që u zbulua në Kurtaj të Peqinit.
Romario Hasa, vëllai i drejtorit të burgut të Rrogozhinës Bilal Hasa, është shpallur në kërkim.
Nga verifikimet ka rezultuar se Romario Hasa ishte personi që zotëronte magazinën dhe kishte lidhur kontratë me UKT dhe OSHEE. Fillimisht u shpall në kërkim Bilal Hasa, drejtor burgu, por ai u paraqit më pas në polici dhe tha se magazina i përkiste të vëllait.
Edhe gjatë një përgjimi me babain e tij ai shpreh shqetësim: “ç’na bëri ai”.
Policia ka arrestuar faturistin Erion Dekovelli.
Elvis Maçi, përgjegjës i OSHEE për gjithë bashkinë e Peqinit dhe Denis Elezi, drejtor zonal i OSHEE, janë shpallur në kërkim.
Në magazinë, pas numërimit, kanë rezultuar 1105 bimë kanabis. Magazina ndodhej në fshatin Kurtaj të Peqinit.
