Një ngjarje tragjike ka tronditur Orikumin, ku bashkëshorti Llogora vrau për vdekje bashkëshorten, Sose Xhebroj, dhe më pas u vetëvra në garazhin e shtëpisë. Hetimet dhe dëshmitë zbulojnë se çifti ishte i ndarë prej dy muajsh, megjithëse ligjërisht ende të martuar, dhe vazhdonte të jetonte në të njëjtën banesë. Viktima Sose Xhebroj ishte kthyer nga Italia për festat e fundvitit.
Mësohet se konflikti mes tyre kishte marrë përmasa serioze. Pas një episodi dhune ndaj gruas, burri dyshohet ta ketë çuar atë në spital, ku Sose ka ndërruar jetë. Dyshohet se, përveç dhunës, ajo mund të jetë mbytur me duar. Më pas, autori është kthyer në banesë dhe ka vrarë veten.
Çifti ishte prindër i dy fëmijëve, ndërsa familjarët kanë deklaruar se kohët e fundit kishin pasur mosmarrëveshje të shpeshta dhe ishin në prag të divorcit, që gruaja kishte kërkuar, por burri nuk e pranonte. Sherret dhe konfliktet e tyre nuk ishin raportuar më parë në polici, ndërsa hetuesit po vazhdojnë verifikimet për rrethanat e plota të ngjarjes.
