Prokuroria e Shkodrës po heton në disa pista për të hedhur dritë mbi motivin e vrasjes së Hysni Ymerit në Shkodrës me 29 dhjetor 2025, përmes shpërthimit të telekomanduar të një mine të montuar në panelin elektrik në hyrje të pallatit ku banonte.
Pista më e fortë ku po hetohet është ajo e një vrasje për motive hakmarrje, pasi vëllai i Hysni Ymerit në vitin 1995 është dyshuar për vrasjen e shtetasit Shefqet Çekorja. Më vonë ai ka marrë pafajësinë. Prokuroria po heton edhe lidhur me ngjarjen e 2017 ku Dritan Ymeri, kushëri me viktimën Hysni Ymeri ka qenë një nga autorët e dyshuar të vrasjes së mjekut Ilir Aliaj.
Pas ngjarjes, Dritan Ymeri u arratis jashtë vendit. Burime pranë prokurorisë thanë se nuk përjashtohen as pista të tjera dhe po verefikohet edhe djali i viktimës i cili jeton jashtë vendit. Për ngjarjen janë arrestuar 4 të dyshuar, Gert Bushati, Gjergj Zefi, Ergys Ibrahimi, Edison Hasaj, ndaj të cilëve Gjykata e Shkodrës caktoi masën e “arrestit me burg”.
