Detaje të reja nga vrasja e Frrok Lleshajt në Vaun e Dejës. Kamerat e sigurisë kanë fiksuar momentin kur dy persona vijnë me motor me targa të huaja që rezultojnë të vjedhura dhe në kokë kanë skafandër. Ata e presin shënjestrën e tyre në një kthesë, ku kamerat nuk fiksojnë momentin e vrasjes. Por duke qenë se kamera ishte me audio dhe video, dëgjohet momenti kur fillimisht qëllohet me pistoletë dy herë. Arma më pas ngec dhe mesa duket autorët nxjerrin pistoletën e dytë dhe qëllojnë mbi viktimën. Lleshaj është shtatë herë të tjera. Ata largohen dhe marrin kthesë në drejtim të Tiranës. Grupi i hetimit ka zbuluar se motori ka ardhur deri në afërsi të Laçit. Në afërsi të Fushë-Kuqes humbasin gjurmët e tyre. Kamerat e sigurisë në gjithë këtë aks janë sekuestruar dhe grupi hetimor shpreson që autorët të kenë gabuar dhe të bien në gjurmët e tyre. Frrok Lleshaj u ekzekutua në fshatin Paçram të Vaut të Dejës. Ish-polici ishte dënuar me 25 vite burgim për vrasje dhe kishte rifituar lirinë në 2023. Motivi i vrasjes së tij dyshohet të jetë gjakmarrja që ka prodhuar 5 viktima në tre dekada.
