Prokuroria e Korcës shtyn edhe me 3 muaj afatet e hetimit për Denis Mecen, i dyshuar për vrasjen e Egli Progës në Pogradec, ngjarje e ndodhur më 10 gusht 2024.
Sipas vendimit të firmosur nga prokurorja e cështjes, afati i hetimeve është zgjatur deri më 11 nëntor 2025 për shkak se ende nuk ka ardhur përgjigja nga një laborator në Itali për analizimin e pamjeve filmike të disa kamerave që mund të zbardhin dinamikën e krimit të rëndë.
Prokuroria vendosi të dërgojë për ekspertizë pamjet jashtë vendit për shkak të dëshmive kontradiktore të personave të përfshirë në ngjarje.
I dyshuari kryesor Denis Meçe deklaroi se Proga u godit në ambjengtet e brendshme të lokalit Stropcka, edhe nga pronari Leonidha Guçe. Ky i fundit e ka mohuar këtë fakt. Ndërsa Andi Shkulaku dëshmitar kryesor i ngjarjes, ka dhënë disa herë dëshmi të ndryshme. Për këtë shkak prokuroria kërkoi ndihmën e ekspertëve italianë për rikthimin e pamjeve filmike të DVR së lokalit dhe analizimin e pamjeve të kamerave të sigurisë së një marketi.
Egli Proga humbi jetën pas goditjeve fill pasi doli nga lokal Stropcka në Pogradec.
Motra e tij hodhi akuza të forta ndaj policisë për manipulimin e ngjarjes. Pas ngjarjes u zhvilluan protesta, ndërsa policia dhe prokuroria u përplasën ashpër me deklerata.
