Gjykata e Gjirokastrës caktoi masën e sigurisë “arrest në burg” për Kamber Sulçaj, i akuzuar për vrasjen e biznesmenit Italian Edoardo Sarchi në Salari të Tepelenës. Në seancë gjyqësore ai ka refuzuar të japë shpjegime lidhur me ngjarjen e rëndë mesnatën e 27 shtatorit të këtij viti.
Ai u vetëdorëzua dy ditë më parë në polici.
Ngjarja ndodhi në Salari teksa Edoardo Sarchi ndodhej në shtëpinë e pushimit të mikut të tij Eqerem Braçit.
Të dy u nisën për t’i dhënë ndihmë për të ndihmuar djalin e Eqeremit, Gazmendin që i kishte pësuar defekt makina. Gazmend Braçi kishte patur një debat më herët atë mbrëmje me Kamber Sulçaj për dritat e gjata të makinës.
Sulçaj i ndoqi nga pas dhe qëlloi ndaj tyre ku një plumb rikoshet me asfaltin, kapi në arterien kryesore në këmbë, dhe la të pajetë Edoardo Sarchin.
Ai u identifikua nga kamerat e sigurisë në zonë si dhe dëshmitë e Braçit dhe disa personave të tjerë që ndodheshin në zonë pasi kishin dalë për gjueti.
