Gjykata e Korçës caktoi masën e arrestit me burg për të miturin Enedio Guri, i dyshuar për vrasjen e 14-vjeçarit Erald Xhejo në fshatin Pirg të Maliqit.
Në burg u lanë edhe Edison Guri, babai i tij, dhe xhaxhai Roland Guri, pasi tentuan të fshihnin provat e krimit.
Në seancë autori i dyshuar ka shprehur pendesë dhe ka pretenduar se nuk ka pasur qëllim ta vriste Eraldin, por ndodhi në grindje e sipër. Ai ngushëlloi familjen e viktimës, ndërsa kërkoi falje mes lotësh.
Avokati i tij, Ledian Spaho, tha se ngjarja ka ndodhur në grindje e sipër. Dhe ai ngushëlloi familjen për humbjen e madhe.
Për 4 të miturit gjykata caktoi masën e detyrimit për paraqitje, ndërsa Flori Cela u la në arrest shtëpie.
