Një operacion i organizuar nga Policia e Vlorës ka çuar në arrestimin e dy personave, babë e bir, të cilët posedonin armë zjarri dhe municion në banesën e tyre në fshatin Mifol.
Operacioni policor, i koduar “Duo”, u finalizua pas informacioneve të siguruara nga inteligjenca policore, në kuadër të punës për parandalimin e ngjarjeve të rënda kriminale dhe evidentimin e rasteve të armëmbajtjes pa leje.
Të arrestuarit janë:
B. K., 49 vjeç, me precedent penal të mëparshëm për armëmbajtje pa leje;
K. K., 21 vjeç, djali i tij;
Të dy banues në fshatin Mifol.
Gjatë kontrollit të ushtruar në banesën e tyre, shërbimet e Policisë gjetën dhe sekuestruan në cilësinë e provës materiale:
1 armë zjarri automatike me fishek në fole, gati për qitje;
1 krehër me municion;
Rreth 200 gëzhoja municioni;
1 armë të ftohtë (thikë).
Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme ligjore.
Policia e Vlorës thekson se kontrollet dhe operacionet për evidentimin e rasteve të armëmbajtjes pa leje do të vijojnë me intensitet të lartë në të gjithë territorin e qarkut.
