Qyteti i Vlorës po përballet prej tre ditësh me mungesë të ujit të pijshëm për shkak të një defekti në linjën kryesore të ujësjellësit me diametër 1000 mm, që furnizon depot e ujit të qytetit.
Pas ndërhyrjes së kryer dy ditë më parë, prova e parë dështoi, pasi presioni i lartë shkaktoi shpërthimin e tubacionit. Punonjësit kanë ndërhyrë sërish në orët e mëngjesit të së shtunës, me synimin për rikthimin sa më të shpejtë të furnizimit normal me ujë.
Edhe pas një prove të kryer dje pasdite, presioni i tubacionit bëri që problemi të mos rikuperohej, duke lënë qytetarët pa ujë për më shumë se 72 orë.
