Vijon përplasja mes protestuesve dhe policisë. Një qytetar ka pësuar lëndime nga përdorimi i gazit lotsjellës nga efektivët e policisë gjatë protestës së opozitës që po vijon aktualisht para godinës së Kuvendit.
Një i ri është shtrirë në tokë pa ndjenja, ndërsa disa protestues të tjerë që ishin pranë tij i vijnë në ndihmë.
Protestuesit hodhën disa herë molotovë drejt Parlamentit, pasi u zhvendosën nga Kryeministria, ndërsa policia përdori gazlotsjellës dhe ujë.
Nga ana tjetër, për shkak të molotovëve u përfshi nga flakët edhe autoboti i policisë që shpërndante me ujë protestuesit.
