Në redaksinë e VNA ka mbërritur sot në mëngjes një video e realizuar buzë lumit Vjosë, ku shfaqen sasi të mëdha mbeturinash të hedhura përgjatë brigjeve. Një pjesë e tyre po digjen në mënyrë të pakontrolluar, duke shkaktuar një dëm të rëndë mjedisor dhe duke rrezikuar ndotjen e një prej lumenjve më të rrallë dhe më të çmuar të Europës.
Pamjet e sjella dëshmojnë për neglizhencën e autoriteteve dhe mungesën e masave konkrete për mbrojtjen e Vjosës, e cila prej kohësh është konsideruar një pasuri natyrore me rëndësi ndërkombëtare. Aktivistët mjedisorë paralajmërojnë se ndotja dhe djegia e mbetjeve jo vetëm dëmton ekosistemin unik të lumit, por përbën gjithashtu një kërcënim serioz për shëndetin e komuniteteve që jetojnë pranë tij.
Vjosa, e cilësuar si “lumi i fundit i egër në Europë”, duket se po përballet sot me një nga provat më të rënda të mbijetesës së saj.
|
|
||
|
|
||
