Kryebashkiaku i Tiranës Erion Veliaj kërkon nga Gjykata e Posaçme që seancat gjyqësore ndaj tij të transmetohen live dhe publiku të ketë mundësinë të ndjerë nga afër ecurinë e procesit. Në fakt, lidhur me praninë e kamerave në sallë në hyrje të procesit GJKKO nuk ka patur asnjë kundërshti, por i pandehuri Elman Abule nuk dha pëlqimin të filmohet, çka bëri që gjykata të respektojë vendimin e tij.
Lidhur me kërkesën e Veliajt për gjyq live, prokurori i posaçëm Altin Dumani tha se “Ne si organ akuze se kemi problem, por mund te shqetësojë procesin, çështjet penale ku ka dëshmitarë për më tepër bashkëpunëtor drejtësie nuk lejohet transmetimi live. Kjo nuk ndodh as në rajon as në Europë dhe as në gjyqet federale në Shtetet e Bashkuara të Amerikës”. Dumani shtoi më tej se “mund të lejohen kamerat për disa pamje filmike, por dëshmitarët dhe bashkëpunëtorët nuk mund të ekspozohen”.
Pasi dëgjoi palët, GJKKO vendosi ta rrëzojë kërkesën e Veliaj për trasmetim të drejtëpërdrejtë të proceseve.
Më tej, Dumani ngriti shqetësimin se avokatët po bëjnë kërkesa artificiale me qëllim zvarritjen e gjykimit.
“Kemi 2 muaj që kemi kaluar në themel dhe avokatët e Veliajt në mënyrë të përsëritur me kërkesa artificiale në gjykimin tonë, po tentojnë zgjatjen e procesit”, theksoi prokurori Dumani.
Avokati Plarent Ndreca kërkoi që Veliaj të nxirret nga kafazi në gjykatë, njësoj si në Kjykatën Kushtetuese ku nuk pati asnje problem. Sipas tij mbajtja ne kafaz cënon barazinë e palëve në proces. Ai i kërkoi gjykatës të marrë masa për këtë.
“Lidhur me kërkesën e avokateve qe Velaij mos mbahet ne kafaz, nuk besojmë se përbën problem. Nuk është kafaz, por një xham dhe komunikohet normalisht. Kushtet e Gjykatës së Posaçme janë shumë të miira, si hotel me 5 yje”, tha prokurori Ols Dado. Por këtij të fundit iu tërhoq vëmendja nga gjykata. Ndreca kërkoi shpjegime nga SPAK sesi janë administruar kallëzime kallëzimet anonime të Nesti Angonit dhe Nasta Pëllumbit ndaj Veliaj. Kryebashkiaku akuzohet ndërkohë për 13 akuza penale si korrupsion, pastrim parash, fshehje pasurie e shpërdorim detyre.
