Ish-kryebashkiaku i Durrësit Vangjush Dako vijon të jetë ende në spitalin rajonal të qytetit ku u transportua ditën e djeshme menjëherë pasi Apeli i Posaçëm e dënoi me 2 vite e 8 muaj burgim dhe ai duhet të rikthehej në qeli.
Dako është cilësuar fajtor për akuzën e shpërdorimit të detyrës për dy episode. Ai ndodhej në arrest shtëpie kur Apeli urdhëroi rikthimin në burg dhe menjëherë u shtrua në spital. Vendimi është ekzekutuar në shtratin e spitalit ku ende vijon të qëndrojë. Dakos sipas avokatit i mbeten tashmë 10 ditë burg për të vuajtur që me gjasë do t’i kalojë në spital.
