Ish-kryebashkiaku i Durrësit, Vangush Dako, është transferuar nga spitali rajonal në drejtim të qelive të burgut që ndodhet në periferinë e qytetit bregdetar. Ai është dënuar me vendim të formës së prerë nga Gjykata e Apelit të Posaçëm me 2 vjet e 8 muaj heqje lirie dhe, sipas përllogaritjes, i mbeten edhe disa ditë për ta shlyer këtë dënim. Ditën që gjykata shpalli vendimin, Dako përfundoi në spital me armi. Pas qëndrimit 3 ditë në spital, është dërguar në qeli, ku do të qëndrojë deri më tani 27 shtator, pra edhe gjashtë ditë të tjera.
Dako është dënuar për shpërdorim detyre lidhur me lejen e një pallati në Durrës, si dhe projektin e Promenadës, që lidhet me rehabilitimin e vijës bregdetare. Së fundmi, ai u kërcënua përmes vënies së një sasie tritoli në një hotel në pronësi të tij. Lidhur me këtë ngjarje, ai pritet të japë shpjegime për hetuesit sapo të dalë nga burgu.
