Një ngjarje e rëndë tronditi këtë të hënë ambientet e Gjykatës së Apelit në Tiranë, ku u vra gjyqtari Astrit Kalaja.
Kalaja ishte me origjinë nga Shkodra dhe një figurë e njohur në sistemin gjyqësor shqiptar. Ai u rikonfirmua në detyrë në dhjetor të vitit 2019, si pjesë e procesit të Vettingut.
I diplomuar në Fakultetin e Drejtësisë me titullin “Jurist”, Kalaja filloi karrierën e tij si gjyqtar në Gjykatën e Rrethit Gjyqësor Shkodër. Që nga viti 2004, ai ushtronte detyrën e gjyqtarit në Gjykatën e Apelit Shkodër.
Në vitin 2011 përfundoi studimet pasuniversitare me një master në Universitetin e Tiranës dhe gjatë karrierës së tij ka shërbyer edhe si anëtar i Kolegjit Zgjedhor.
