Një ngjarje e rëndë është regjistruar në fshatin Mamaj, në Tepelenë, ku dy persona kanë mbetur të plagosur si pasojë e shpërthimit të një granate.
Sipas informacioneve paraprake, 34-vjeçari Lisjen Shehu dhe 28-vjeçari Xhuljano Sala janë lënduar gjatë incidentit. Dyshohet se njëri prej tyre ndodhej në një kasolle ku mbaheshin granata, kur njëra prej tyre ka shpërthyer në duart e tij. Si pasojë, ai ka pësuar dëmtime të rënda dhe dyshohet se ka humbur të dyja duart.
I riu është transportuar fillimisht në spital dhe më pas është nisur me urgjencë drejt Tiranës për mjekim të specializuar.
Nga shpërthimi ka mbetur i plagosur edhe një tjetër i ri, rreth 20 vjeç, i cili ka marrë dëmtime në kokë dhe në fytyrë. Ai ndodhet në gjendje të rëndë në spitalin e Gjirokastrës, ndërsa pritet të transportohet drejt Tiranës për trajtim më të specializuar.
Dyshohet se lënda shpërthyese ndodhej në kasollen ku ndodheshin të rinjtë në momentin e ngjarjes, ndërsa rrethanat e plota të incidentit mbeten ende të paqarta.
