E mbijetuara e masakrës së Shkodrës, Meri Kaceri i është nënshtruar ditën e sotme në Spitalin e Traumës, një ndërhyje kirurgjikale, për shkak të dëmtimit që pësoi në krah nga breshëria e plumbave që derdhi mbi ta Ragip Gila.
Kaceri kishte pësuar dëmtime të shumta dhe rrezikonte humbjen e krahut, por për fat, mjekët kanë mundur të bëjnë ndërhyrjen dhe sipas familjarëve operacioni ka dalë me sukses. Meri Kaceri mbeti e plagosur në lokalin ku punonte si kamariere.
Në të njëjtën ngjarje, mbeti i plagosur edhe Erogen Vaso, lidhje e grupit kriminal Bajri, ndërsa u vranë Armando Pali dhe Liridon Kraja alias Lushi. Sipas hetuesve, shënjestër ishte Erogen Vaso dhe dyshohet se krimi u urdhërua nga grupi kundërshtar.
Bajrat dhe Licët janë në përplasje të forta prej vitesh. Ragip Gila është arrestuar për krimin makabër, ndërsa janë shpallur në kërkim dy bashkëpunëtorët e tij, Barush alias Bajram Bregu dhe një 17-vjeçar.
