Një 16-vjeçare nga Kamza ndërroi jetë mbrëmjen e djeshme pasi u hodh nga një pallat në ndërtim në rrugën “Gjon Buzuku”. Vajza humbi jetën menjëherë në vendngjarje.
Sipas banorëve, adoleshentja kishte hyrë fshehurazi në objekt dhe priste largimin e punëtorëve për të kryer aktin tragjik.
Burime policore bëjnë me dije se shkak për këtë veprim është gjendja e rënduar emocionale dhe problemet familjare që përjetonte vajza.
Familjarët nuk kanë dhënë ende dëshmi për shkak të gjendjes së tyre të rënduar emocionale.
Zona ku ndodhi ngjarja është larg vendbanimit të 16-vjeçares.
