Shpërthim tritoli në Vlorë. Burime nga policia bëjnë me dije se lënda plasëse është vendosur në derën e banesës së Bakie Zotos, 63 vjeç. Gruaja është nëna e Gentian Zotos, alias Dautaj. Bakie Zoto ka deklaruar se jeton e vetme dhe nuk di kush mund t'i ketë vënë tritol.
Gentian Zoto ndodhet në burg dhe po vuan një dënim me 35 vite burg për përfshirje në atentatin e ndodhur kundër Inez Hajrullës më 10 maj 2019. Së bashku me Zoton për atentatin ndaj Inez Hajrulla janë dënuar edhe Daut Elmazi, Igli Memaj, Serxho Ademi dhe Albano Goxhaj.
Njoftimi
Po këta specialistë referuan materiale në Prokurori pasi, më datë 29.11.2025, rreth orës 23:38, në rrugën “Ali Demi”, lagjja “Partizani”, në portën e jashtme të banesës së shtetases B. Z., 63 vjeçe, ka shpërthyer një sasi lënde plasëse, nga e cila janë shkaktuar vetëm dëme materiale. Nën drejtimin e Prokuorisë vijon puna për identifikimin, kapjen e autorëve dhe dokumentimin e plotë të ngjajres.
Materialet iu referuan Prokurorisë, për veprime të mëtejshme.
