aksident tragjik ndodhi në zonën e Kënetës në Durrës. Një automjet përplasi tre fëmijë të mitur, dy prej të cilëve ndërruan jetë në vend, ndërsa i treti ndodhet në spital në gjendje të rëndë shëndetësore.
Fëmijët janë të moshës rreth 10–13 vjeç. Policia po heton rrethanat e aksidentit tragjik, ndërsa drejtuesi i automjetit është vënë në pranga. Paraprakisht ka dyshime se aksidenti ndodhi për shkak të shpejtësisë së lartë me të cilën udhëtonte drejtuesi i automjetit.
Sipas policisë, fëmijët e mitur ishin duke luajtur në trotuar kur automjeti Benz ML doli nga rruga për shkak të shpejtësisë dhe i përplasi.
Njoftimi
Durrës / Informacion paraprak
Rreth orës 14:20, në lagjen nr. 15, në Durrës, një automjet i drejtuar nga shtetasi N. R., rreth 57 vjeç, ka aksidentuar tre fëmijë të mitur, të moshës rreth 10 vjeç.
Si pasojë e aksidentit, dy prej të miturve kanë humbur jetën, ndërsa i mituri tjetër është në gjendje të rëndë dhe po transportohet për ndihmë më të specializuar në Tiranë.
Drejtuesi i automjetit është shoqëruar në Komisariat për veprime të mëtejshme.
Grupi hetimor ndodhet në vendngjarje dhe po punon për zbardhjen e plotë të rrethanave të aksidentit.
