Në hyrje të qytetit të Librazhdit, IKMT vijoi edhe sot ndërhyrjen për lirimin e sheshit të nevojshëm për projektin publik zgjedrimin e segmentit rrugor Dalje Elbasan – Prrenjas – Qafë-Thanë. Prej së martës së javës së kaluar, IKMT ka nisur prishjen e disa godinave që ndodhen përgjatë aksit, por tensionet mes autoriteteve dhe pronarëve të objekteve janë rritur ndjeshëm.
Pronari i njërit prej bizneseve që duhet të shemben deklaroi se ka boshatisur objektin që prej 17 nëntorit 2025, por refuzon të lejojë vijimin e prishjeve pasi nuk ka marrë pagesën për kompensimin e godinës.
"Ne po kundërshtojmë për lekët, jo për objektin. Nuk kemi marrë pagesën dhe vlera që na është ofruar është shumë më e ulët se ajo reale. Procesi i shpronësimit nuk pasqyron dëmin ekonomik që na shkaktohet", tha ai.
Ndërkohë, kryekomisarja e Librazhdit, Nertila Meta, iu drejtua pronarëve duke i bërë thirrje të mos pengojnë punonjësit e IKMT-së dhe paralajmëroi se çdo kundërshtim ligjor do të ndëshkohet.
Ndërkohë, situata në terren mbetet e tensionuar, ndërsa IKMT pritet të vijojë prishjet sipas planit të punimeve të miratuara, për të garantuar realizimin e projektit të madh publik.
