Policia e Elbasanit ka nxjerr detaje për ngjarjen e ndodhur mbrëmjen e 28 nëntorit në lagjen “Vullnetari”, ku u raportuan të shtëna me armë zjarri. Sipas hetimeve, konflikti mes personave të përfshirë kishte nisur disa ditë më parë.
Autoritetet bëjnë me dije se disa ditë para incidentit ka pasur një debat për motive të dobëta midis shtetasve E. C. dhe B. B., gjatë të cilit E. C. ka dëmtuar xhamin e automjetit të B.B.-së.
Më 28.11.2025, konflikti është përshkallëzuar, duke përfshirë shtetasit B. B., E. C., Xh. B. dhe Sh. B. Dyshohet se të shtënat me armë zjarri janë drejtuar ndaj banesës së shtetasit F. P., ku jeton E. C.
Policia njofton gjithashtu se E. C. nuk ka kallëzuar ngjarjen, ndërsa shtetasi D. K. dyshohet se ka fshirë pamjet e kamerave të sigurisë së banesës së tij, e vendosur pranë vendit të konfliktit, duke penguar hetimin.
Për këtë ngjarje, është nisur procedimi penal ndaj shtetasve B. B. (E. Ç.), 48 vjeç; D. K., 47 vjeç; dhe E. C., 24 vjeç. Ndërkohë, policia ka shpallur në kërkim shtetasit Xh. B., 40 vjeç, dhe Sh. B., 50 vjeç, të afërm të B. B.-së.
