Në afërsi të mbikalimit të Rinasit janë dëgjuar të shtëna me armë zjarri, ku një person ka mbetur i plagosur. Ngjarja ka ndodhur në parkingun e Megatek, ku burimet bëjnë me dije se konflikti mes dy personave ka nisur për motive banale. Gjatë sherrit, njëri prej tyre ka nxjerrë armën dhe ka qëlluar në këmbë personin tjetër.
Policia po vijon hetimet për të zbuluar identitetin e të plagosurit, i cili deri tani nuk është treguar bashkëpunëtor.
Ndërkohë, autori i plagosjes është larguar nga vendngjarja, ndërsa forcat e rendit po shqyrtojnë kamerat e sigurisë për të mbledhur prova.
