Pak minuta më parë janë raportuar të shtëna me armë zjarri në qytetin e Lushnjes. Sipas informacioneve paraprake, tre persona ende të paidentifikuar kanë hapur zjarr drejt një automjeti që ishte në lëvizje.
Aktualisht nuk dihet nëse nga të shtënat ka persona të plagosur, ndërsa deri në këto momente nuk raportohet për të lënduar. Po ashtu, nuk është bërë ende e qartë se kush ka qenë shënjestra e sulmit.
Në vendngjarje janë gjetur gëzhoja, ndërsa forcat e policisë kanë mbërritur dhe po punojnë për zbardhjen e plotë të rrethanave dhe identifikimin e autorëve. Hetimet vijojnë.
