Pavarësisht thirrjeve të RENEA-s që të ulë armët dhe të vetëdorëzohet Julian Cumrraku refuzon të dalë nga banesa ku është ngujuar bashkë me një person tjetër dhe kërcënon se do të qëllojë ndaj policisë.
Një orë më parë nga Lezha drejt fshatit Orosh, njësia administrative Qatë Mali, bashkia Fushë Arrëz, është nisur vëllai I njërit prej dy personave të cilët ndodhen të ngujuar në shtëpinë atje me qëllim që të negociojë me ta që të dorëzohen. Lajmi konfirmohet për VNA nga burime të policisë.
Banesa ku ata janë ngujuar preh mëngjesit është e pabanuar prej kohësh ndërsa mësohet se është në pronësi të Mëhill Jakut. Cumrraku sipas burimeve policore dyshohet të jetë i lidhur me grupe me natyrë terroriste. Ndërsa personi tjetër është identifikuar si Arben Uka që më herët ka qenë në vëzhgim nga Antiterrori.
https://www.vna.al/kronika/aksioni-i-nisur-qe-ne-mengjes-identifikohet-personi-i-armatosur-ne-orosh-i17175
