Në një Shqipëri ku krimet e rrugës dhe vrasjet janë bërë lajmi i përditshëm, Drejtori i Përgjithshën i Policisë duket se ka gjetur “armikun e vërtetë”: veprimet bankare. Me solemnitet dhe nënshkrime, drejtori Ilir Proda dhe presidenti i Shoqatës së Bankave, Bledar Shella, firmosën një memorandum për sigurinë kibernetike – një fushë ku Shoqata e Bankave, në fakt, nuk ka as kompetenca ligjore, as akses real në sistemet e sigurisë. I vetmi rol i policisë në raport me bankat eshtë të ruajë godinat nga ndonjë vjedhje e mundshme.
Në ceremoni, fjalimet ishin plot termat “mjedis i besueshëm digjital”, “kuadër ligjor” dhe “partneritet institucional”. Ndërsa në realitet, bankat ruajnë paratë, policia s’e ruan dot jetën, dhe siguria kibernetike – për ironi – u bë temë në një vend ku edhe kamerat e sigurisë në rrugë nuk funksionojnë.
Kështu, në vend që të flitet për sigurinë publike dhe parandalimin e krimit, drejtuesit e policisë firmosin protokolle me shoqata që kanë më shumë lidhje me kredinë se me kodet e sigurisë.
Në fund të fundit, ndoshta ky është edhe mesazhi i ditës: kur s’ke siguri në realitet, shpik siguri virtuale.
