Nga Esiona Konomi
Standardet që po i rrëshqasin Gjykatës Kushtetuese…
Gjykata jonë Kushtetuese nuk është thjesht e vetmja gjykatë në vend që i duhen më shumë se 40 ditë për t’u shprehur për një masë sigurie, duke rrezikuar hetimin e SPAK-ut, pasi ka rikthyer përkohësisht në detyrë një të pandehur.
Është gjithashtu e vetmja gjykatë që tërhiqet për vendim pa shpallur një datë kur do ta marrë vendimin.
Është po ashtu e vetmja gjykatë që nuk ka zëdhënës dhe asnjë autoritet që komunikon me median.
Dita e sotme është thjesht një më shumë, që për çështje me interes publik (si ajo Balluku) askush nuk konfirmon zyrtarisht:
A janë mbledhur gjyqtarët?
A do të ketë një vendim?
A po trajtohet kjo çështje?
Kur do të trajtohet?
Si mund të jetë kështu, memece, pa zë, institucioni që duhet të garantojë balancën mes pushteteve?
