Endri Ngresi, ish-zyrtar i Kadastrës së Fierit, është rikthyer në burg për të vuajtur pjesën e mbetur të dënimit prej 3 vjetësh, pas një vendimi të Gjykatës së Posaçme të Apelit. Ngresi ishte dënuar në korrik 2024 nga Gjykata e Lartë me 3 vjet burg për veprën penale “Korrupsioni pasiv i personave që ushtrojnë funksione publike”.
Pas kryerjes së një pjese të dënimit, ai kishte kërkuar lirim me kusht, i cili u pranua nga gjykata kompetente. Por Prokuroria e Posaçme kundër Korrupsionit dhe Krimit të Organizuar (SPAK) apeloi vendimin, duke kërkuar rikthimin e tij në qeli. Gjykata e Posaçme e Apelit vendosi të pranojë apelimin dhe Ngresi u rikthye në burg për të përfunduar dënimin e tij.
Në të njëjtin proces u përfshinë edhe dy qytetarë të tjerë, të akuzuar për dhënie ryshfeti prej 2 mijë eurosh për një legalizim banese. Ardjan Kumaraku u dënua me 1 vit burg, ndërsa për Afërdita Vidhin nuk u dha dënim.
Përveç dënimit me burg, ish-zyrtari Ngresi u gjobit me përjashtim nga çdo funksion publik për 5 vitet e ardhshme.
