SPAK ka goditur dy grupe kriminale të përfshira në vepra të rënda penale, përfshirë vrasje dhe tjetërsim të pronave. Për Aleksandër Lahon, i njohur ndryshe si "Rrumi", është firmosur urdhër-arrest për përfshirje në tjetërsim masiv pronash.
Në vitin 2019 i bën një atentat ndaj Rrumit të Shijakut, ngjarje e ndodhur në autostradën Tiranë–Durrës. Persona të armatosur qëlluan mbi makinën ku ndodhej Aleksandër Laho (Rrumi), prokurori Arjan Ndoja dhe shoferi Andi Maloku. Si pasojë, Maloku humbi jetën, ndërsa Laho dhe Ndoja u plagosën.
Për atentatin u dënuan Redjan Rraja me burgim të përjetshëm dhe Arjol Halilaj me 35 vite burg. Motivet lidhen me konflikte për pronat dhe aktivitet kriminal.
Po sot, në kuadër të këtij operacioni është arrestuar edhe vëllai i tij, Vullnet Muça, si dhe Enea Kume, vëllai i deputetit socialist Loer Kume, dhe Vlash Brahja.
Gjithashtu, SPAK ka lëshuar një urdhër të ri arresti për Astrit Avdylajn, i cili aktualisht ndodhet në paraburgim për akuza të tjera të rënda, si dhe për Aldo Avdylajn, i dyshuar për përfshirje në vrasje.
