Gjykata e Apelit të Posaçëm la në fuqi masat e sigurisë për tetë nga anëtarët e grupit kriminal Rraja, i cili u godit pas zbërthimit të aplikacionit Sky ECC. Nën masën e arrestit në burg mbetën të dyshuarit Islam Sefa, Rexhep Rraja, djali i ish-deputetit socialist Rrahman Rraja, Përparim dhe Gazmir Rraja, Aldo Gjini, Zamir Aliaj, Jani Çavo dhe Marvin Bushati.
Të dyshuarit Sokol Qaja dhe Agim Nina janë arrestuar gjithashtu në kuadër të grupit kriminal, por nuk kanë bërë ankim dhe, për rrjedhojë, nuk dolën në Apel. Grupi kriminal u godit disa javë më parë nga SPAK dhe dyshohet për tre episode trafiku droge, dy prej të cilave me marijuanë dhe një me kokainë.
Njoftimi
Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtari Florjan Kalaja, sot më datë 24.01.2026, shpalli vendimin mbi çështjen penale nr. 1 akti, datë 19.01.2026 regjistrimi, mbi ankimet e ankuesve I.S, J.Ç, A.Gj., M.B., P.Rr., G.Rr., R.Rr., dhe Z.A.: “Ankim kundër vendimit nr. 124, datë 09.12.2025, të Gjykatës së Posaçme të Shkallës së Parë për Korrupsionin dhe Krimin e Organizuar, meobjekt: Caktimin e masës së sigurimit personal “Arresti në burg”, parashikuar nga neni 238, i Kodit të Procedurës Penale. Ankim kundër vendimit nr. 126, datë 11.12.2025, të Gjykatës së Posaçme të Shkallës së Parë për Korrupsionin dhe Krimin e Organizuar, me objekt: Marrjen në pyetje dhe verifikimin e kushteve të zbatimit të masës së sigurimit personal “Arresti nëburg”, parashikuar nga neni 238, i Kodit të Procedurës Penale” në lëndë të masave të sigurimitpersonal, dhe vendosi:
1. Miratimin e Vendimit nr. 124, datë 09.12.2025 të Gjykatës së Posaçme të Shkallës së
Parë për Korrupsionin dhe Krimin e Organizuar për sa i takon disponimeve kundrejt Z.
I.S., Z. J.Ç., Z. A.Gj., Z. M.B., Z. P.Rr., Z. G.Rr., Z. R.Rr., Z. Z.A..
2. Miratimin e Vendimit nr. 126, datë 11.12.2025 të Gjykatës së Posaçme të Shkallës së
Parë për Korrupsionin dhe Krimin e Organizuar për sa i takon disponimeve kundrejt Z.
I.S., Z. J.Ç., Z. A.Gj., Z. M.B., Z. P.Rr., Z. G.Rr., Z. R.Rr., Z. Z.A..
3. Kundër këtij vendimi mund të bëhet rekurs në Gjykatën e Lartë brenda 45 ditëve, duke
nisur ky afat nga e nesërmja e njoftimit të vendimit të arsyetuar.
U shpall në Tiranë, me datë 24.01.2026.
