Prokuroria e Lezhës firmosi dhjetë masa sigurie për zyrtarë dhe ish-zyrtarë të përfshirë në skandalin e ndërtimeve pa leje në zonën e Shëngjinit. Masat e sigurisë u ekzekutuan nga policia, e cila kishte vënë në lëvizje institucionin e akuzës. Prokuroria është duke hetuar edhe lidhur me një skemë tjetërsimi pronash në bregdet.
Emrat e të dyshuarve dhe masat:
Pjetër Tuçi – arrest në burg
Gentian Malotai, ish-drejtor i Kadastrës – arrest në shtëpi
Artur Shabaku, ish-shef i Legalizimeve – arrest në shtëpi
Artmir Maxhuni, zyrtar i Kadastrës – arrest në shtëpi
Luiza Bala – arrest në shtëpi
Hekuran Xhina – arrest në shtëpi
Flor Gjini, ish-drejtor i IKMT – ndalimi i daljes jashtë shtetit
Kol Malaj, ish-drejtor i IKMT-së – ndalimi i daljes jashtë shtetit
Martin Ndoka, inspektor zone në Shëngjin – pezullimi i ushtrimit të një detyre publike, ndalimi i daljes jashtë shtetit.
