Në kuadër të inspektimit të paralajmëruar dhe të jashtëligjshëm të gjykatave nga Komisioni i Nismave Qytetare i drejtuar nga Fatmir Xhafaj, sot ka qenë radha e Gjykatës së Posaçme.
Bledi Çomo, deputet i Partisë Socialiste dhe i dërguari i zotit Xhafaj, u prit me “nderime” nga kryetari i GJKKO-së, në një proces që nuk është parashikuar as në ligj dhe as nuk është miratuar në kalendarin e punimeve të Kuvendit të Shqipërisë.
Vizita vjen në vazhdën e lëvizjeve të komisionit parlamentar drejt institucioneve të drejtësisë, pavarësisht se nuk ekziston një vendimmarrje formale e Konferencës së Kryetarëve për këto “monitorime në terren”, duke ngritur pikëpyetje mbi ligjshmërinë dhe qëllimin e tyre.
