SPAK ka shtyrë hetimet për ish-zëvendëskryeministrin, Arben Ahmetaj, deri në 22 mars. Arsyeja është për të marrë kohë dhe pritur letërporositë e dërguara në autoritet e huaja.
Sipas dispozitave ligjore, kjo është hera e fundit që SPAK mund të shtyjë hetimet ndërsa më pas do të vendosë për dërgimin ose jo për gjykim të çështjes.
Kjo është hera e gjashtë që shtyhen hetimet ndaj për ish-zv.kryeministrin Arben Ahmetaj, i cili po hetohet në lidhje me dosjen e inceneratorëve, për veprat penale korrupsion, pastrim parash dhe fshehje pasurie.
Arben Ahmetaj u shpall në kërkim më 10 korrik 2023, me urdhër të Prokurorisë së Posaçme Antikorrupsion, nën dyshimin për kryerjen e veprave penale “korrupsion”, “pastrim parash” dhe “fshehje pasurie”.
