Një 29-vjeçar është proceduar penalisht nga policia pas një shpërthimi të ndodhur në një magazinë pranë banesës së tij në fshatin Mamaj, Tepelenë.
Hetimet zbulun se Xhulio Salaj dyshohet për veprën penale “Mbajtja pa leje dhe prodhimi i armëve, armëve shpërthyese dhe i municionit”. Gjatë veprimeve hetimore, autoritetet konstatuan se ai posedonte sasi fitili zjarr-përcjellës dhe municion luftarak, të cilat u gjetën në magazinën ku ndodhi shpërthimi.
Ngjarja ndodhi më 21 prill 2026, kur një sasi lënde plasëse shpërtheu aksidentalisht, duke lënë të plagosur vetë 29-vjeçarin dhe shokun e tij, Lisien Shehu, banues në Memaliaj. Të dy të dëmtuarit ndodhen nën kujdesin e mjekëve dhe janë jashtë rrezikut për jetën.
Policia bën me dije se, në vijim të hetimeve materialet janë referuar në Prokurori, ku ka nisur procedimi penal në gjendje të lirë ndaj të riut.
Ndërkohë, materialet procedurale i janë dërguar Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme hetimore.
