Shpërthim tritoli në oborrin e banesës së Burjan Kapës, kryetar i njësisë administrative Qesarat.
Ngjarja ka ndodhur rreth orës 00:10, në oborrin e banesës së 67-vjeçarit, në fshatin Toç. Nga shpërthimi ka patur vetëm dëme materiale.
Sipas policisë autorët, gjatë largimit, në aksin rrugor “Krahës–Memaliaj”, në afërsi të fshatit Qesarat, dyshohet se kanë djegur automjetin me të cilin lëviznin dhe më pas janë larguar në këmbë.
Kapaj ka deklaruar për hetuesit se nuk ka konflikte me asnjë person, por nuk ka dhënë detaje të mëtejshme.
