Një ngjarje e rëndë ka tronditur mbrëmjen e sotme qytetin e Sarandës. Një shpërthim i fuqishëm ka ndodhur në lagjen nr. 3, ku një automjet tip fuoristradë është shkatërruar plotësisht. Nga shpërthimi ka humbur jetën drejtuesi i mjetit, Isuf Jacaj, 58 vjeç, i cili më pas është identifikuar nga policia.
Sipas burimeve zyrtare, Jacaj ishte një person me precedentë penalë dhe baba i 31-vjeçarit Klaus Jacaj, aktualisht i arrestuar për “përkrahje të autorit të krimit”. Klaus Jacaj është përfshirë në ngjarjen e datës 17 korrik 2025, ku Ramadan Zoto plagosi me armë në lagjen nr. 4 të Sarandës Gëzim Hajdarajn dhe Ernest Lamën nga Kamza.
Kujtojmë se më 21 korrik 2025, një person i maskuar me maskë silikoni vendosi eksploziv në automjetin e Klaus Jacaj, duke e shkatërruar plotësisht mjetin – një ngjarje që ende nuk është zbardhur.
