SPAK zgjat afatin e hetimeve edhe për 3 muaj të tjerë për ish-zv.kryeministren dhe ish-ministren e Infrastrukturës Belinda Balluku. Vendimi është firmosur me datë 13 prill dhe iu është komunikuar avokatëve të të pandehurve. Sipas prokurorisë, kanë ende veprime të tjera hetimore për të kryer dhe për këtë arsye nevojitet shtyrja e afatit.
Belinda Balluku është e pandehur për shkelje të barazisë në tendera, kryer në bashkëpunim, lidhur me tenderin për ndërtimin e tunelit të Llogarasë dhe nën hetim për lotet e Unazës së Madhe.
