Muçi Shaljani alias Sheqeri që mbeti i plagosur në atentatin mafioz tek rrethrrotullimi i Rinasit ndodhet në gjendje të rëndë në spitalin e Traumës. Mjekët thonë se agjenti i AMP-së është prekur nga 10 plumba në trup dhe kokë, ndaj për momentin ndodhet në intubim. Sheqeri u plagos në ngjarjen ku mbeti i vrarë Gilmando Dani, krahu i djathtë i Emiljano Shullazit. Dani dhe Sheqeri kishin udhëtuar drejt Barcelonës me datë 7 nëntor dhe dje, me t’u kthyer, sapo dolën nga aeroporti u qëlluan me breshëri. 100 gëzhoja u sekuestruan në vendin e ngjarjes.
