Masive gjigante dheu u shkëputën këtë të premte në aksin Matogjin-Bashaj, në territorin e Bashkisë Selenicë, duke bllokuar rrugën dhe duke izoluar dhjetëra familje në fshatin Bashaj.
Sipas informacioneve paraprake, mali është shkëputur në dy pika të ndryshme brenda një harku kohor prej rreth dy orësh, duke rritur rrezikun për banorët dhe vështirësuar qarkullimin në zonë.
Banorët kanë bërë thirrje për ndërhyrje të menjëhershme nga institucionet përkatëse, duke theksuar se situata paraqitet problematike dhe kërcënon sigurinë e tyre. Pamjet video të regjistruara gjatë pasdites tregojnë përmasat e shembjes dhe pasojat në terren.
Autoritetet lokale nuk kanë dhënë ende një reagim zyrtar lidhur me masat që do të ndërmerren për pastrimin e rrugës dhe garantimin e sigurisë së banorëve.
