SPAK ka dalë me një njoftim zyrtar në lidhje me pasuritë e sekuestruara të ish-drejtoreshës së AKSHI-t, Mirlinda Karçanaj dhe Ergys Agasit e Ermal Beqirajt.
Prokuroria e Posaçme Kundër Korrupsionit dhe Krimit të Organizuar ka ndërmarrë një operacion të gjerë sekuestrimi pasurish në kuadër të një hetimi për korrupsion, pastrim parash dhe veprimtari të organizuar kriminale. Me vendim të Gjykatës së Posaçme, janë sekuestruar dhjetëra prona, llogari bankare, kompani dhe mjete luksi në emër të disa personave nën hetim.
Pasuritë e sekuestruara përfshijnë apartamente në Tiranë dhe zona bregdetare, vila dhe ndërtesa në Petrelë, toka dhe truall në disa qytete, si dhe sipërfaqe të konsiderueshme toke me ndërtime të ndryshme. Gjithashtu janë bllokuar automjete të shtrenjta, përfshirë modele të fundit, si dhe një mjet lundrues tip jaht.
Pasuritë e Mirlunda Karçanajt:
– Apartament në rrugën “Dervish Hima”, Tiranë
– Apartament në rrugën e “Kavajës”, Tiranë (73.5 m²)
– Pasuri në Qerret, Kavajë
– Ullishte në Sauk, Tiranë (1500 m²)
– Automjet Volkswagen Tiguan
– Llogari bankare në BKT
– Llogari bankare në OTP Bank
Pasuritë e Ergys Agasit:
– Pyll 26,690.9 m² me ndërtesë 346.2 m² në Qeha Shytaj, Petrelë
– Pyll 5,288.1 m² me ndërtesë 182.2 m² në Qeha, Petrelë
– Pyll 5,288.1 m² me ndërtesë 182.2 m² në Qeha, Petrelë
– Pyll 8,956 m² me ndërtesë 568 m² në Qeha, Petrelë
– Pyll 8,260.2 m² me ndërtesë 490.2 m²
– Pyll 911.3 m² me ndërtesë 350.8 m²
– Pyll 9,316.1 m² me ndërtesë 192.8 m²
– Truall 406.34 m² me ndërtesë në Lundër, Tiranë
– Arë 10,300 m²
– Truall 400 m² në zonën kadastrale 8518, Durrës
– Ndërtesë 165 m² në të njëjtën zonë kadastrale
– Apartament në Durrës
– Garazh në Tiranë
– Apartament në Tiranë
– Apartament në Tiranë
– Apartament në Tiranë
– Garazh
– Garazh
– Truall
– Truall nr. 6/756
– Apartament
– Garazh
– Garazh
– Garazh
– Apartament
– Garazh
– Truall dhe ndërtesë në Gjilek, Vlorë
– Automjet Land Rover Defender 2023
– Subjekti “E.A.S”
– Llogari bankare në OTP, Credins dhe BKT
Pasurite e Ermal Beqirit
– Truall në Green Coast, Vlorë
– Truall në rrugën “Hoxha Tasim”, Tiranë
– Ndërtesë dhe truall nr. 5/3
– Truall dhe ndërtesë nr. 38/36, Rolling Hills, Tiranë
– Apartament në Golem, Kavajë
– Jaht “Skyfall”
– Subjekti “S.S” sh.p.k.
– Subjekti “H” sh.p.k.
– Njësi shërbimi në rrugën “Çerçiz Topulli”
– Automjete dhe motomjete
– Të gjitha llogaritë bankare
Në kuadër të hetimeve janë sekuestruar edhe aksione në subjekte tregtare dhe shuma të mëdha parash në llogari bankare të personave të përfshirë dhe kompanive të lidhura me ta.
Sipas SPAK, vlera totale e pasurive të sekuestruara arrin mbi 40 milionë euro, ndërsa hetimet vijojnë për dokumentimin e plotë të aktivitetit të dyshuar kriminal dhe konfiskimin përfundimtar të këtyre pasurive.
