Henrik Hoxhaj, i pandehur ne dosjen "Plumbi i Artë" ka rrëfyer para Gjykatës së Posaçme njohjen me të penduarin e drejtësisë Nuredin Dumani.
Hoxhaj humbi më herët statusin e të penduarit. Ai akuzohet për disa krime të rënda.
Dëshmia
"Me Nuredin Dumanin jam njohur tek ditëlindja e Festim Qolit në vitin 2020. Kemi shkëmbyer numrat. Disa muaj më vonë u takuam.
Nuredini ishte i interesuar të më takonte.
Kemi komunikuar me telefona të kriptuat, për disa vrasje. Ai kishte marrë porosi nga Krymi. Më tha që janë disa punë për tu bërë, a je i interesuar. I thashë po", tha Hoxhaj.
Ai vijoi më tej: "Nuredimi më tha për dy vrasje që do bëhëshin në Durrës. Në fillim qe si porosi e Krymit, por pastaj i paraqiti si problematika të tij.
I thashë jam dakord.
Në takim folëm për vrasjen e Dorian Shkozës. Do kryhej kundrejt pagesës. Në fillim propozoi 70 mijë euro.
Ai gjeti mjetet dhe armët. Shofer qe Elio Bitri, elbasanlli.
Ditën e ngjarjes kam shkuar në Durrës. U takova tek shtëpia e Nuredinit në Durrës. I nisëm prej aty me një makinë të zezë.
Ishte Elio në timon, unë mbrapa shoferit. Kisha unë dy armë, Elio një.
Nuredini u nis me ne. Ne kemi dalë një xhiro tek servisi. Kur kaluam njëherë nuk ishte prezent.
Kur u kthyem ishte aty. Ishte me dy persona i shoqëruar.
Elio më tha: Ja ku janë. Ishin 3 vetë në trotuar.
Unë i qëllova me armë nga brenda makinës. Një armë mu bllokua, përdora tjetrën.
Njëri nga ata ngeli në vend. Doriani u rrëzua pak më tutje. Unë i thashë, a ti je Doriani. Ai tha jo. Pyeta Elion, a ky është. Po më tha ai. Edhe e godita.
Një e goditi edhe Elio.
Pas vrasjes hipa në makinë. I thashë më lër te Plepat. Aty kisha makinë. Hipa tek ajo me duar në xhepa. Makina tjetër iku u dogj tek Bishti i Zhurit.
Sipas tij Nuredini ishtë pas tyre dhe e ka parë ngjarjen.
"Më tha: shumë mirë doli o kusho
Pagesën e mora për ngjarjen. Por ajo 70 u nda mes meje e Elios. 35 mora.
Pas kësaj vrasjeje kam jetuar në Tiranë. Nuk fshihesha. Lekët Nuredini më tha se i merrte nga Krymi", deklaroi Hoxhaj.
