Një plagosje ka ndodhur paraditen e sotme në qytetin e Vlorës. Një plagosje ka ndodhur paraditen e sotme në qytetin e Vlorës. Viktimë e sulmit mbeti një 40-vjeçar, që ka marrë plagë në duar dhe krahë, kryesisht pas përleshjes dhe goditjes me sende të forta nga agresori.
Policia vendore tha se plagosja është e lehtë, teksa i dëmtuari është E.Gogo, i cili ka marrë mjekim në spital.
Efektivët nisën menjëherë hetimet dhe dyshohet se autor i krimit është B.Brahimaj, për të cilin u bë kapja dhe shoqërimi, teksa ka nisur procedimi penal.
“Rreth orës 10:00, në lagjen “29 Nëntori”, dyshohet se gjatë një konflikti për motive të dobëta, është dëmtuar lehtë në krah me një send të fortë, shtetasi E. G., 40 vjeç, banues në Vlorë. Autori i dyshuar, shtetasi B. B., 35 vjeç, është shoqëruar në ambientet e Komisariatit të Policisë Vlorë”, tha policia vendore për ngjarjen.
Hetimet e ngjarjes janë ende aktive dhe pritet zbardhja e plotë e dinamikës dhe shkaqeve, bashkë me Prokurorinë.
