Para disa ditësh, gazetarja shqiptare Klodiana Lala zbuloi se një shqiptar ishte zhdukur më 11 maj në Marbella. Kur në Costa del Sol zhduken burra të moshës së mesme me kombësi të huaj, gjithmonë ekziston një probabilitet i lartë që ngjarja të ketë lidhje me krimin e organizuar.
Personi i zhdukur është Miklovan Danaj, 30 vjeç, nga Shkodra – qyteti i gjashtë më i madh në Shqipëri dhe ndoshta vendi prej nga vijnë klanet më të fuqishme të mafias shqiptare.
Personi i fundit që e ka takuar është Juxhin Drazhi i klanit Troplini.
Danaj humbi kontaktin me familjen në maj dhe, sipas mediave shqiptare janë bërë denoncime si në Spanjë ashtu edhe në qytetin e tij të lindjes. Dihet se Miklovan kishte ardhur kohët e fundit në Marbella, ndërsa identifikohet si një trafikant të madh kokaine, që kishte pasur probleme me kartelet kolumbiane dhe me një trafikant tjetër nga Vlora.
Familja e tij e ka kërkuar me dëshpërim, por para pak javësh morën një mesazh shqetësues: iu thanë se nuk do ta gjenin të dashurin e tyre. Sipas personit që kontaktuar me ta, Miklovan ishte vrarë në Marbella dhe trupi i tij ishte hedhur në bregun e Malagës. Një skenar si nga filmat thriller, por që është i zakonshëm në trafikun ndërkombëtar të drogës. “Miklovan është vrarë, mos e kërkoni”. Ky ishte mesazhi i qartë.
Në këtë komunikim ishte përfshirë edhe një kërcënim për familjen: organizata i paralajmëroi që të “mos shqetësohshin më” dhe të mos ta bënin të madhe, përndryshe do të përfundonin si Miklovani. Një dhimbje shtesë për humbjen e një të afërmi.
Familjarët e trafikantëve janë ata që vuajnë më së shumti pasojat e këtij lloji jete, dhe këto pasojat shkojnë përtej vrasjes. Pas makinave luksoze dhe vilave të blera me para droge dhe krimi, fshihet një dramë e thellë, pothuajse e pa shërueshme.
